உலகளாவிய வனவிலங்கு பாதுகாப்பில் முக்கிய திருப்பமாக அமையக்கூடிய முன்மொழிவை Anant Ambani முன்வைத்துள்ளார். கொலம்பியாவில் அதிகரித்து வரும் நீர்யானைகளின் எண்ணிக்கையை குறைக்கும் திட்டத்தை நிறுத்தி, அவற்றை இந்தியாவுக்கு மாற்றுமாறு அவர் கோரிக்கை வைத்துள்ளார்.
தற்போது Magdalena River பகுதியில் அதிக அளவில் நீர்யானைகள் காணப்படுகின்றன. இவை முதலில் Pablo Escobar என்பவரின் தனிப்பட்ட விலங்குகளாக இருந்தன. பின்னர் அவை காட்டில் விடப்பட்டதால், எண்ணிக்கை கட்டுக்கடங்காமல் அதிகரித்துள்ளது.
இந்த நிலையை கட்டுப்படுத்த, கொலம்பியா அரசு சுமார் 80 நீர்யானைகளை அழிக்கும் திட்டத்தை அறிவித்தது. ஆனால் இந்த முடிவு உலகளவில் எதிர்ப்பை சந்தித்தது.
இதன் பின்னணியில், ஆனந்த் அம்பானி, கொலம்பிய சுற்றுச்சூழல் அமைச்சரான Susana Muhamad அவர்களுக்கு கடிதம் எழுதி, இந்த திட்டத்தை நிறுத்துமாறு கேட்டுக் கொண்டார்.
அதற்குப் பதிலாக, குஜராத்தில் ஜாம்நகரில் அமைந்துள்ள Vantara மையத்துக்கு இந்த நீர்யானைகளை மாற்ற முன்வந்துள்ளார். இந்த மையம் உலகின் மிகப்பெரிய வனவிலங்கு மீட்பு மையங்களில் ஒன்றாகும்.
இந்த திட்டத்தின் மூலம் பாதுகாப்பான போக்குவரத்து, மருத்துவ பராமரிப்பு மற்றும் நீண்டகால பாதுகாப்பு ஆகிய அனைத்தும் சர்வதேச தரத்தில் செய்யப்படும் என அவர் உறுதியளித்துள்ளார்.
இந்த முன்மொழிவு ஏற்றுக்கொள்ளப்பட்டால், உலக வனவிலங்கு பாதுகாப்பில் புதிய முன்னுதாரணம் உருவாகும் என்று நிபுணர்கள் கருதுகின்றனர்.
