சென்னை
ஓய்-ஹேமா வந்தனா
சென்னை: விஜய் தலைமையிலான புதிய அரசுக்கு 3 மாதம் வரை கால அவகாசம் வழங்க வேண்டும் என மூத்த பத்திரிகையாளர் மணி கோரிக்கை விடுத்துள்ளார்.. சட்டம் ஒழுங்கு பிரச்னையில் அரசு கூடுதல் கவனம் செலுத்துவது அவசியம் என்றும், முதல்வர் செய்தியாளர்களை சந்திப்பது நிர்வாகத்துக்கு சாதகமாக அமையும் என்றும் கருத்து தெரிவித்துள்ளார்.
ஒரு சேனலுக்கு பேட்டியளித்த மூத்த பத்திரிக்கையாளர் மணி, “பெண்களுக்கு குங்குமம் சின்னம் என்பது போல், சட்டம் – ஒழுங்கு என்பது அரசின் செயல்பாட்டிற்கு முக்கியக் குறியீடு. இது ஒரு பொதுவான உதாரணம். பெண்ணியவாதிகள் இதை ஒப்பிட மாட்டார்கள். ஆனால், அரசின் நிலையை எளிதாகப் புரிந்துகொள்ள இதைச் சொல்கிறேன்.
தேனிலவு காலம்
மின்தேவை அதிகரித்துள்ளதால் சென்னையில் மின்வெட்டு..இதில் விஷமிகள் ஏதாவது செய்திருக்கலாமோ என்ற சந்தேகமும் எழுந்துள்ளது.. மின்வெட்டை விட சட்டம் ஒழுங்குதான் முக்கியம் என்பதால் இந்த அரசு அதற்கு முக்கியத்துவம் கொடுக்க வேண்டும்.
இந்த அரசுக்கு மூன்று மாதமோ, தேனிலவு காலமோ தரமாட்டோம் என எதிர்க்கட்சிகள் கூறுகின்றன.. குறிப்பாக திமுக 30 நிமிடத்திற்கு ஒரு அறிக்கை, 3 நிமிடத்திற்கு ஒரு ட்வீட் என அரசை விமர்சித்து வருகிறது.
அமைச்சர்கள் சிரிக்கிறார்கள்
அதேபோல முதல்வர் ஜோசப் விஜய் மற்றும் உயர் அதிகாரிகளும் எல்லா விஷயங்களையும் விட சட்டம் ஒழுங்குக்கு முக்கியத்துவம் கொடுப்பது நல்லது.. எனவே கொஞ்சம் பொறுமை தேவை.
அரசு தரப்பில் இருந்து சரியான தகவல் தொடர்பு இல்லாதது ஒரு குறை. அமைச்சர்கள் மற்றும் அதிகாரிகளிடம் பேட்டி கொடுக்கும் போது சிரிப்பது போன்ற செயல்கள் பொதுமக்களிடையே அதிருப்தியை ஏற்படுத்துகிறது.. இதுபோன்ற போக்குகளை அரசு கவனிக்க வேண்டும்.\
அரசு சார்பில் யார் பேசப் போகிறார்கள் என்பது மிகப்பெரிய கேள்வி.. முதல்வர் பத்திரிக்கையாளர்களை சந்திக்காதது மிகவும் துரதிர்ஷ்டவசமானதும் ஆபத்தானதுமாகும். ராமராவ் போன்றவர்கள் ஆட்சியில் இருந்தபோது ஊடகங்களுடன் தொடர்ந்து தொடர்பில் இருந்தவர்களை பார்க்க வேண்டும்
விஜய் காதுக்கு எட்டிய தகவல்
விஜய்க்கு மட்டுமே அதிகாரிகள் தகவல் கொடுக்கிறார்கள்.. இது மிகவும் ஆபத்தான போக்கு.. யார் முதலமைச்சராக இருந்தாலும் அதிகாரிகள் அனைத்து உண்மைகளையும் முதல்வரிடம் எடுத்துச் செல்ல மாட்டார்கள்.
ஸ்டாலின் ஆட்சியை இழந்ததற்குக் காரணம், அரசுக்கு எதிரான தகவல்கள் காதுகளுக்கு எட்டாமல் போனதுதான்.. திமுகவுக்கு நீண்ட அரசியல் அனுபவம் உள்ளது என்பதை நினைவில் கொள்ள வேண்டும்.. தற்போதைய அரசியல் சூழலில் விஜய் அரசுக்கு மிகப் பெரிய நெருக்கடி, வலுவான எதிர்க்கட்சியாக இருப்பதுதான்.
ஸ்டாலின் அதிர்ஷ்டசாலி முதல்வர்
சுத்தமான எதிர்க்கட்சி இல்லாததால் ஸ்டாலின் மிகவும் அதிர்ஷ்டசாலி முதல்வர்.. எடப்பாடி பழனிசாமியை விட ஸ்டாலினுக்கு அந்த வாய்ப்பு கிடைத்தது.. ஆனால் இன்று முதல்வர் விஜய்க்கு பலத்த எதிர்ப்பு.. திராவிட முன்னேற்றக் கழகம்.
எனவே விஜய் அரசு இந்த பகுதியில் கூடுதல் விழிப்புடன் இருக்க வேண்டும்.. தங்களை சரியாக தயார்படுத்திக்கொள்ளாவிட்டால், நாளுக்கு நாள் நிலைமை மோசமடைவதை யாராலும் தடுக்க முடியாது.”
Source link
