பிரான்ஸ் அணுமின் நிலையத்தில் திடீர் பாதிப்பு!
பிரான்ஸ் அணுமின் நிலையத்தில் பரபரப்பு! ஜெல்லி மீன்கள் கூட்டத்தால் 3 அணு உலைகள் நிறுத்தம்
பிரான்ஸின் Gravelines அணுமின் நிலையத்தில் எதிர்பாராத இயற்கை காரணத்தால் மூன்று அணு உலைகள் தற்காலிகமாக நிறுத்தப்பட்டுள்ளன. அதிக அளவில் ஜெல்லி மீன்கள் கடல் நீர் பகுதியில் திரண்டதே இதற்குக் காரணமாக கூறப்படுகிறது.
அணுமின் நிலையங்களில் உலைகளை குளிர்விக்க கடல் நீர் பயன்படுத்தப்படும் நிலையில், அதிக அளவிலான கடல்வாழ் உயிரினங்கள் நீர் உட்கொள்ளும் அமைப்பை பாதிக்கும் சூழல் ஏற்பட்டுள்ளது.
இதன் காரணமாக பாதுகாப்பு நடவடிக்கையாக மூன்று அணு உலைகளின் செயல்பாடு நிறுத்தப்பட்டதாக தகவல்கள் தெரிவிக்கின்றன.
அணுமின் நிலையத்தில் ஏற்பட்ட இந்த சம்பவம் தொடர்பாக அதிகாரிகள் தொடர்ந்து கண்காணிப்பு நடவடிக்கைகளை மேற்கொண்டு வருகின்றனர்.
அணு உலைகளை பாதுகாப்பாக இயக்குவதில் குளிரூட்டும் அமைப்பு முக்கியமானதாகும். எனவே அதில் ஏதேனும் தடங்கல் ஏற்பட்டால் முன்னெச்சரிக்கையாக உலைகளை நிறுத்துவது பாதுகாப்பு நடைமுறையின் ஒரு பகுதியாகும்.
இந்த சம்பவம் காரணமாக பிரான்ஸின் மின் உற்பத்தி மற்றும் ஐரோப்பிய மின்சார சந்தை குறித்தும் கவனம் திரும்பியுள்ளது. வெப்ப அலை ஏற்கனவே ஐரோப்பிய மின்சார விநியோகத்தில் அழுத்தத்தை ஏற்படுத்தி வருகிறது.
இயற்கை சூழ்நிலைகள் கூட பெரிய அளவிலான மின் உற்பத்தி அமைப்புகளை எவ்வாறு பாதிக்கக்கூடும் என்பதற்கு இந்த சம்பவம் ஒரு உதாரணமாக அமைந்துள்ளது.
